Uebsajti yt është një koleksion faqesh që lidhen së bashku nga një temë e përbashkët ose që i shërbejnë një qëllimi të caktuar si ofrimi i zbavitjes ose operimi i një dyqani në internet. Mund të jetë edhe vetëm sa për të vendosur praninë tënde në internet. Zgjedhja se si të ndash përmbajtjen e uebsajtit tënd nëpër faqe është një aspekt i rëndësishëm i ndërtimit të tij. Të dish paraprakisht se ç’strukturë do të ketë uebsajti yt do ta lehtësojë procesin duke e publikuar më shpejt atë në internet.
Si të krijosh një faqe të re
Për të filluar procesin, kliko butonin "Shto një faqe" që gjendet brenda skedarit "Faqet" në menunë në të majtë. Zgjidh Llojin e faqes, sipas pamjes/qëllimit të përgjithshëm të faqes që po mundohesh të krijosh. Emri i faqes do të jetë i paravendosur në bazë të Llojit të faqes që ke zgjedhur por mund ta ndryshosh atë për t’iu përshtatur kërkesave të tua. Më pas, mund të çzgjedhësh alternativën e parazgjedhur për të lidhur faqen e re të krijuar me menunë e navigimit kryesor.
Me krijimin e një faqeje, ke mundësinë ta vendosësh automatikisht në një dosje paraekzistuese nga menuja e shkallëzuar. Vendosja e një URL-je për faqen dhe Përshkrimi janë cilësimet e fundit të faqes që mund të konfigurosh para krijimit të saj. Të dy gjërat e sipërpërmendura nuk janë të detyrueshme por meqenëse çdo faqe duhet të ketë një URL, URL-ja e faqes caktohet në bazë të Emri të faqes.
URL-ja e faqes është unike dhe nuk mund të kesh dy faqe me të njëjtën URL. Shtimi i një faqeje me një URL ekzistuese, mund të rezultojë në shtimin e një prapashtese numerike në fund.
Cilësimet e faqes
Për të hyre te Cilësimet e faqes, mjafton të navigosh në skedën "Faqet" në menunë në të majtë dhe të zgjedhësh ikonën e dhëmbëzës, pranë faqes që dëshiron të përditësosh.
Mundesh gjithashtu të kesh qasje në cilësimet e çdo faqeje, përmes linkut ekzistues të faqes në menunë e navigimit ose në elementin e tekstit dhe imazheve.
Emri i faqes shfaqet vetëm brenda seksionit të sipërm të panelit "Funksionet e faqes". Emri i faqes është teksti që shfaqet në krye të faqes dhe zakonisht i tregon lexuesit për çfarë bën fjalë ajo faqe. Emri i faqes përdoret gjithashtu për të identifikuar faqen në panelin e faqeve.
Poshtë emrit të faqes listohen detajet për madhësinë e saj dhe datën kur është modifikuar për herë të fundit, së bashku me një buton për mundësinë për të modifikuar shpejt dhe lehtë imazhin e faqes.
Në seksionin Më shumë alternativa mund të ndryshosh URL-në e faqes, titullin e faqes, fjalët kyçe të faqes dhe përshkrimin e përdorur për SEO.
Në seksionin Paraqitja mund të zgjedhësh tematikën e ngjyrave të faqes, strukturën e faqes ose të aktivizosh/çaktivizosh elementët me zgjedhje të faqes, të tilla si titulli i faqes dhe përmbajtjet shtesë. Ato ndryshojnë sipas dizajnit të strukturës së faqes. Mundesh gjithashtu të ndash zonën kryesore të përmbajtjes së sajtit deri në 3 kolona.
Në seksinin "Mjete sociale" mund të zgjedhësh të ndash një imazh, të ndash një titull dhe të ndash një përshkrim. Ato do të shfaqen nëse ndan një sajt në mediat sociale, të tilla si Facebook, LinkedIn etj.
Në seksionin "Kontrolli i qasjes" mund të kufizosh qasjen në faqe me anë të një fjalëkalimi dhe sipas grupit të pjesëtarëve. Kur një vizitor akseson faqen me akses të kufizuar ata shohin një faqe "Kërkohet qasje e autorizuar" dhe një fushë për fjalëkalimin ku duhet të shkruajnë fjalëkalimin për të parë faqen. Për t’u siguruar që kjo veçori të funksionojë siç duhet, kërkohet një certifikatë SSL për domenin. Gjithashtu, nëse do të përdorësh alternativën e grupit të pjesëtarëve, duhet ta konfigurosh përmes aplikacionit Hyrja për pjesëtarët.