Është e thjeshtë të shtosh skedarë video në modifikuesin e teksteve dhe imazheve në çdo faqe të faqes tënde të internetit. Gjithsesi, video e shtuar në këtë mënyrë nuk do të luhet dhe vizitorëve të faqes tënde do t’u duhet të presin deri sa të jetë ngarkuar video e plotë për ta shikuar.
Transmetimi video, nga ana tjetër, të lejon të shohësh një video gjatë kohës që po ofrohet nga ofruesi i videos. Për të shtuar video me transmetim në faqen tënde mund t’i ruash videot në Youtube dhe më pas t’i integrosh në faqen tënde të internetit duke përdorur fragmente HTML.
Shto një video nga YouTube
Për të filluar me ngarkimin e videove në YouTube, hyr në llogarinë tënde ose krijoje një. Gjithashtu mund të hysh me llogarinë tënde të Google. Më pas, ndiq këto hapa për të ngarkuar videot dhe për t’i integruar në faqen tënde:
1. Kliko butonin "Ngarko" në cepin e sipërm djathtas të çdo faqeje YouTube.
2. Shfleto në kompjuterin tënd për të gjetur një video. Sigurohu që skedari të mos i tejkalojë 1GB, me kohëzgjatje 10 minuta dhe formati i tij pranohet nga YouTube.
3. Kliko butonin "Ngarko videon" për të nisur procesin e ngarkimit ose thjesht tërhiqe dhe lëshoje videon në hapësirën e caktuar.
4. Pasi video të jetë ngarkuar, vendos titullin, përshkrimin, etiketimet dhe kategorinë e saj. Sa më shumë informacion të japësh, aq me e lehtë do të jetë për të tjerët ta gjejnë videon tënde.
Kliko butonin "Ruaj ndryshimet" për të ruajtur përditësimet e bëra skedarit të videos.
Shfaq videon në faqen tënde të internetit.
1. Shko te faqja me video dhe kopjo kodin nga kutia e integruar.
2.Së pari, kliko butonin "Ndaj" > kliko butonin "Integro" > zgjidh - "Përdor kodin e vjetër të integrimit" > kopjo kodin
3. Shto një Fragment HTML në pozicionin ku duhet të shfaqet video YouTube dhe ngjit kodin në kutinë e fragmenteve.
Për të mos lejuar integrimin e videove në faqe të tjera interneti, ndiq hapat e mëposhtëm:
1. Në llogarinë tënde, kliko lidhjen "Ngarko videot e mia".
2. Kliko butonin "Modifiko informacionin e videos" në të djathtë të videos.
3. Te "Alternativat e shpërndarjes" zgjidh "Jo, faqet e jashtme të internetit NUK mund ta integrojnë dhe luajnë këtë video."