YouTube është një faqe interneti për shpërndarjen e videove që lejon përdoruesit të ngarkojnë, të shikojnë dhe të ndajnë video dhe përdor teknologjinë Adobe Flash Video dhe HTML5 për të shfaqur një gamë të gjërë videosh të gjeneruara dhe përdoruesit ose mediat e regjistruara.
Përdore YouTube në faqe për:
- T’u treguar klientëve një video të produkteve dhe shërbimeve
- T’i treguar botës një shembull të koncertit të grupit tënd
- T’i treguar miqve një përvojë të paharrueshme në faqen personale
Aplikacioni YouTube i integruar e bën më të thjeshtë shtimin e kësaj veçorie në faqet e tua. Mjafton të shkosh te Menuja Majtas > Elementë > Shtesa dhe tërhiq e lësho aplikacionin YouTube në faqen tënde. Një hapësirë blu shfaqet për të treguar pozicionin e disponueshëm për të vendosur elementin në faqe.
Pasi të shtohet në faqe, kliko brenda elementit për të shfaqur panelin e preferencave dhe konfiguruar videon tënde YouTube:
1. Në fushën e sipërme të tekstit mund të vendosësh direkt URL-në e videos YouTube ose kërko me anë të fjalëve kyçe për të shfletuar videot.
Nëse zgjedh të kërkosh me anë të një fjale kyçe, shkruaje fjalën në fushën e tekstit dhe shtyp butonin blu "kërko" që do të shfaqet. Rezultatet do të shfaqen poshtë dritares së kërkimit dhe ti do të mund të zgjedhësh një video duke e klikuar. Për të ruajtur zgjedhjen, kliko jashtë menusë së aplikacionit.
2. Zgjidh një nga tre madhësitë e paracaktuara të videos: e vogël, mesatare dhe e madhe.
3. Nëse nuk do të përdorësh madhësinë e paravendosur të videos, mund të caktosh madhësi të personalizuara. Thjesht kontrollo kutinë e zgjedhjes Madhësi e përsonalizuar dhe vendosni gjërësinë dhe lartësinë (në pikselë)
4. Mund të zgjedhësh drejtvendosjen e faqes për videon në faqe: majtas, qendër, djathtas
5. Nga tre kutitë e zgjedhjes mund të vendosësh:
- Nisjen automatike: nëse video duhet të luhet automatikisht me ngarkimin e faqes
- Përsëritje: nëse video duhet të luhet në mënyrë të përsëritur
- Shfaq komandat e lexuesit: nëse komandat e integruara të YouTube do të jenë të dukshme
Shënime: Aplikacioni YouTube nuk mund të shtohet brenda elementit të tekstit ose imazhit. Është krijuar për t’u shtuar si element i veçantë. Kur përdoret e kombinuar me Seksionin e grupit mund të shfaqet një strukturë e ngjashme sikur të ishe duke përdorur Tabelat brenda elementit të tekstit dhe imazhit.