Për të realizuar një lidhje me uebsajtin tënd duke përdorur SSH, duhet të përdorësh një klient që mbështet SSH. Nëse tashmë nuk e ke një të tillë, atëherë duhet të shkarkosh dhe të instalosh një të tillë. Ka shumë klientë SSH për çdo sistem të operimit. Disa nga klientët SSH të disponueshëm i gjen të renditur më poshtë:
Windows Putty është një aplikacion i thjeshtë në përdorim i cili është i disponueshëm për përdoruesit e Windows.
Linux Linux ka funksionalitet SSH të integruar. Për informacione si të përdorësh komandën SSH, shkruaj “man ssh” në një dritare terminali.
Mac MacOS X ka klient ssh me linjë komandash standarde, si Linux. Për ta përdorur, ekzekuto aplikacionin “Terminal” që ndodhet te /Applications/Utilities. Për më shumë informacione si të përdorësh komandën SSH, shkruaj “man ssh” në një dritare terminali.
Duke iu referuar manualit ose dokumentacionit në linjë që shoqëron klientin tënd SSH, vendos një lidhje me serverin e listuar nën skedën “Secure Shell” të aplikacionit Secure Shell.
Për të përfunduar identifikimin, ndiq këto hapa:
- Pasi të jetë vendosur lidhja, do të kërkohet një emër përdoruesi. Shkruaj URL-në e uebsajtit tënd (mos përfshi “www.”) dhe shtyp tastin [enter].
- Do të të kërkohet fjalëkalimi. Shkruaj fjalëkalimin dhe shtyp sërish [enter].
- Tani je identifikuar dhe të paraqitet një mesazh mirëseardhjeje, së bashku me kushtet e përgjithshme të përdorimit.